Comisiones Obreras - FSC Galicia

martes 28 de maio de 2019

A Xustiza avala diferentes demandas de CCOO contra a precariedade nas Administracións públicas

  • Salienta unha sentenza do Tribunal Supremo que converteu en indefinida non fixa unha traballadora da Xunta que levaba case trinta anos como interina

Os servizos xurídicos do Sindicato Nacional de CCOO de Galicia gañaron no último mes, e en diferentes instancias, varias demandas importantes contra a precariedade nas Administracións públicas. Entre os casos que agora dá a coñecer o sindicato salienta o dunha traballadora da Xunta que levaba case trinta anos como interina.

A Xustiza avala varias demandas de CCOO contra as Administracións | Foto: daniel_b_photos (Pixabay)

A Xustiza avala varias demandas de CCOO contra as Administracións | Foto: daniel_b_photos (Pixabay)

O Pleno do Tribunal Supremo, facendo seus os máis recentes pronunciamentos do Tribunal de Xustiza da Unión Europea, confirmou o veredicto contra a Consellaría de Política Social en Ourense. Mediante a sentenza emitida o pasado 24 de abril, obriga a converter en indefinida non fixa a denunciante, que levaba desde 1992 prestando servizos continuados na mesma praza.

O Alto Tribunal sinala que se trata dun contrato temporal de «duración inusualmente longa» —vinte e sete anos—, e repróchalle á Xunta de Galicia que non promovese «actuación ningunha para a cobertura regulamentaria da praza». Aínda máis, asegura que «brillan pola súa ausencia as actuacións tendentes a lograr a súa cobertura definitiva».

Paralelamente, o Tribunal Superior de Xustiza de Galicia, en sentenzas do 30 de abril e do 15 de maio deste ano, confirma a declaración de fixeza de dúas demandas presentadas por CCOO contra os Concellos da Estrada (Pontevedra) e do Barco de Valdeorras (Ourense), que afectan o persoal dos Grupos de Emerxencia Supramunicipais.

A doutrina do Alto Tribunal galego, xa asentada, condena as Administracións locais á estabilización dos contratos temporais en fraude de lei cando se trata de prazas estruturais e cando os traballadores ou traballadoras accederon ao posto a través do oportuno proceso selectivo —respectando os principios constitucionais de igualdade, mérito e capacidade.

Así mesmo, a recente sentenza do Xulgado do Social n.º 2 de Ourense, do pasado 22 de maio, tamén declara a fixeza dunha traballadora do Concello de Castrelo de Miño que ten un contrato temporal —ao que accedeu mediante o proceso selectivo correspondente—, mais ocupa un posto de traballo estrutural.

Comisións Obreiras anima a todos os traballadores e traballadoras a que acudan ao sindicato para se informaren sobre as posibilidades de estabilidade nos seus postos na Administración pública. Así, as seccións sindicais e os servizos xurídicos farán un estudo personalizado da situación individual de cada persoa con contrato temporal.

CCOO mantén un compromiso serio, permanente e rigoroso de loita contra a precariedade no emprego, que afecta a gran número dos traballadores da Administración pública galega, tanto na Xunta de Galicia, como nos Concellos, Deputacións e outras entidades públicas.

A Xustiza avala diferentes demandas de CCOO contra a precariedade nas Administracións públicas

martes 28 de maio de 2019

  • Zona de afiliados
  • Afiliate a CCOO
Webs territoriales
  • Abre acceso ós Blogs dos Sectores da FSC-Galicia.
  • Xornada Diversidade e Igualdade
  • FSC-Estatal
    • Guía práctica incapacidade laboral e mutuas
    • Enlace ISTAS
  • Sedes e contactos dos Sindicatos Comarcais da FSC Galicia
  • Acceso convenios.
  • Banner Vigo Pesqueiro
    • Diverclick
    • Banner
  • Resumo Prensa diaria.
  • Seguros Atlantis
  • Gaceta sindical
    • Convenio colaboración
    • Libro PDF
  • GALICIA SINDICAL
  • tribuna dos servizos á cidadanía
  • Fixemos facemos faremos
    • Fundación Paz e Solidariedade.
    • Fundación 10 de Marzo.
  • Queres ser delegado de CCOO.
  • Guia do delegado das AA.PP.
  • Convenio colaboración coa Academia ADAMS