Comisiones Obreras - FSC Galicia

sábado 8 de setembro de 2018

Centos de xornalistas reivindican medios de comunicación públicos libres e de calidade

  • O persoal das radios e televisións públicas foron arroupados polas organizacións sindicais, numerosos colectivos e tamén representantes institucionais

Centos de xornalistas manifestáronse hoxe en Santiago de Compostela para esixir uns medios de comunicación públicos libres e de calidade. A marcha, convocada polos comités de empresa da Corporación de Radio e Televisión de Galicia (CRTVG) e de Radiotelevisión Española en Galicia (RTVE), contou co apoio das organizacións sindicais, así como de numerosos colectivos e representantes institucionais.

Centos de xornalistas participaron nesta manifestación contra a manipulación informativa

Centos de xornalistas participaron nesta manifestación contra a manipulación informativa

O Sindicato Nacional de Comisións Obreiras de Galicia (CCOO) estivo amplamente representado na manifestación, na que participaron, entre outros, o seu secretario xeral, Ramón Sarmiento Solla, o secretario xeral da Federación de Servizos á Cidadanía, José Manuel Ramos Varela, ou a coordinadora do sector de medios de comunicación, Teté Pérez Pardo.

O secretario xeral de CCOO coida que a manifestación foi «un éxito» e defende que o acceso a unha información plural e veraz é un dereito fundamental consagrado polas leis, comezando pola Constitución. Neste sentido, contratulouse de que a cidadanía participara hoxe de xeito activo na defensa dos medios de comunicación públicos, «que han ser de todas e de todos, non de quen goberne en cada momento».

Reivindicacións

Con esta manifestación, os comités de empresa dos medios públicos denuncian a manipulación informativa e esixen a erradicación destas malas prácticas. Piden tamén que os cambios cheguen «a todos os centros» territoriais de RTVE e, no caso da CRTVG, esixen a creación do Consello de Informativos e do estatuto profesional. Reivindican ademais que se recuperen os programas de produción propia e os contidos de servizo público, nun momento en que boa parte está externalizada a empresas privadas. Rexeitan tamén os recortes en materia de persoal, salarios e orzamentos, que precarizan o emprego e dificultan o cumprimento da función de servizo público.

Por último, os comités dos medios audiovisuais públicos esixen que se garanta a información de proximidade —ameazada por medidas como a supresión das desconexións locais da Radio Galega— e que rematen as represalias contra as traballadoras e traballadores que denuncian as malas prácticas.

Centos de xornalistas reivindican medios de comunicación públicos libres e de calidade

sábado 8 de setembro de 2018

Ligazóns de interese relacionadas

Galería de imaxes

  • Zona de afiliados
  • Afiliate a CCOO
Webs territoriales
  • Abre acceso ós Blogs dos Sectores da FSC-Galicia.
  • Xornada Diversidade e Igualdade
  • FSC-Estatal
    • Guía práctica incapacidade laboral e mutuas
    • Enlace ISTAS
  • Sedes e contactos dos Sindicatos Comarcais da FSC Galicia
  • Acceso convenios.
  • Banner Vigo Pesqueiro
    • Diverclick
    • Banner
  • Resumo Prensa diaria.
  • Seguros Atlantis
  • Gaceta sindical
    • Convenio colaboración
    • Libro PDF
  • GALICIA SINDICAL
  • tribuna dos servizos á cidadanía
  • Fixemos facemos faremos
    • Fundación Paz e Solidariedade.
    • Fundación 10 de Marzo.
  • Queres ser delegado de CCOO.
  • Guia do delegado das AA.PP.
  • Convenio colaboración coa Academia ADAMS